‘टाटा’ची भरारी Print

शनिवार, २२ सप्टेंबर २०१२

टाटा मोटर्सने सोमवारी १७ सप्टेंबर रोजी अवजड मालवाहतुकीच्या क्षेत्रात विविध कामांसाठी उपयुक्त असे सहा ट्रक भारतीय बाजारपेठेत उतरविले. गेल्या काही दिवसांमध्ये कोळसा खाणींबाबत झालेल्या विविध घडामोडींच्या पाश्र्वभूमीवर टाटा मोटर्सने सादर केलेल्या या ट्रकमध्ये खाणकामासाठी उपयुक्त असे अवजड ट्रकही सादर केले ही देखील एक धाडसाची बाब म्हणावी लागेल. एकंदर जागतिक स्तरावरील मंदीचा काळ आणि केंद्र सरकारने घेतलेला थेट परदेशी गुंतवणुकीबद्दलचा निर्णय या पाश्र्वभूमीवरही या सहा प्रकारच्या ट्रक्सचे आगमन म्हणजे या क्षेत्रामधील भविष्यातील स्पर्धांचे स्वरूपच स्पष्ट होत असल्याचे म्हणावे लागेल. ही एकादृष्टीने नक्कीच चांगल्या वातावणाची नांदी म्हणता येईल.
टाटा मोटर्सच्या प्रायमा या ट्रक्सच्या मालिकेतील ही नव्या ट्रक्सची भर असून त्याशिवायही आणखी वेगळ्या प्रकारचा ट्रक टाटा मोटर्सने आणला आहे. अवजड मालवाहतुकीमध्ये उपयुक्त ठरू शकेल आणि किफायती व चालकाला आरामदायी ठरून मालवाहतूक उद्योजकांना फायदेशीर ठरेल, असा विश्वास टाटा मोटर्सला वाटतो. परदेशी कंपन्यांच्या तोडीला उतरण्यासाठी टाटा मोटर्सने टाकलेले भारतातील उद्योगांची ही एक नवी दिशाच ठरू शकेल. या सहा ट्रक्सपैकी काही ट्रक्सची ही संक्षिप्त व सचित्र ओळख.
टाटा
 LPT ३७२३ हा देशातील पहिला ५ एक्सेल अवजड ट्रक असून तो भारतीय व्यावसायिक वाहन उद्योगाची दिशा बदलणारा सर्वात मोठा घटक असेल. सध्याच्या ३१ टनी एमएव्ही (मल्टी एक्सेल वाहन) क्षेत्रात या वाहनापेक्षा ४.५ टन जास्त मालाची वाहतूक करणारा हा ट्रक आहे. परिणामी, प्रति टन-किलोमीटर वाहतूक खर्चात कपात होत असल्याने या क्षेत्रातील वाहतुकीचे अर्थकारणच बदलणार आहे. या ट्रकसाठी Cummins w BT 5.9L इंजिन (१५५ kW powar at २५०० rpm) क्षमता, समोर वळणारे जुळे एक्सेल, दोन जुळे ड्राईव्ह एक्सेल व एक टॅग लेफ्ट एक्सेल यामध्ये आहेत. आतापर्यंत हे तंत्रज्ञान या एकमेव ट्रकामध्ये वापरण्यात आले असून त्यामुळे टायर व इंधन खर्चात कपात होते. तसेच वळण्याचा वर्तुळ परिघ २१.९ मीटर्स असल्याने तो अधिक कार्यक्षम बनवितो.

टाटा
PRIMA ४९३८.S हा भारतातील सर्वात पहिला पुलर-ट्रॅक्टर आहे. खासकरून देशाच्या पायाभूत विकासासाठी आवश्यक असलेल्या, पवनचक्कीचे घटक, ट्रान्सफॉमर्स, रेल्वे डबे यासारखे अवजड सामान व मोठय़ा आकाराच्या मालवाहतुकीसाठी या ट्रकचा उपयोग होईल. आतापर्यंत अशा पद्धतीची वाहन आयात करावी लागत होती, पण टाटा मोटर्सने आता भारतातील किंमतीमध्ये ही अवजड वाहन उपलब्ध केली आहेत. १५५०N-m टॉक्र्यूसोबत ISLe ३७० HP इंजिन असल्याने हा ट्रक भारतातील सर्वाधिक ताकदवान मालवाहतूक ट्रक झाला आहे. या ट्रकची केबिन ही टाटा मोटर्सच्या जागतिक दर्जाची PRIMA केबिन आहे. त्यामध्ये उच्च दर्जाचा एसी, डबल स्लीपर बंक्स, झुकलेली व दुर्बिण असलेला हलवता येणारा स्टिअरिंग कॉलम, आवश्यकतेनुसार हलवता येणारी आसने आणि पॉवर विंडो आहेत. जागतिक दर्जाची आरामदायी केबिन ड्रायव्हरसाठी बनविण्यात आली आहे.

टाटा
 PRIMA ३१३८.K याची निर्मिती खासकरून कोळसा, लोह खनिज, लिग्नाईट खाण खोल खणकामासाठी करण्यात आली आहे. तसेच रस्त्यापलीकडील मोठय़ा प्रमाणातील लाईमस्टोन वाहतुकीसाठी त्याचा वापर करता येईल. ताकदवान कार्यकुशलता असलेले हे वाहन अत्यंत खोल खणकामातील प्रत्येक आव्हान पेलण्यास तयार आहे, अत्यंत मजबूत चेसेस फ्रेमची रचना असल्याने त्यामध्ये उच्च दर्जाचा तगडेपणा निर्माण झाला आहे. टाटा PRIMA ३१३८.K WXF ९ -स्पीड Eaton मॅन्युअल ट्रान्समिशन किंवा  Allison अ‍ॅटोमेटिक ट्रान्समिशन सोबत ४ एक्सेल, ३१ टन क्षमतेचा GVW टिप्पर ट्रक आहे. ८ ७ ४ टिपरमध्ये Cummins ISLe (CRDi) इंजिन असून त्याची जास्तीत ताकद क्षमता ३८० HP आहे. या उत्पादनामध्ये नवीन क्षमतेचे ब्रेक्स, एबीएस व खासकरून खणकामासाठी रचना केलेले हब रिडक्शन एक्सेल ही वैशिष्टय़े असतील.